.
Zbliżo sie niedziela cudów
Już nie bydzie wiencyj brudów
W naszyj gminie, w naszyj gminie.
Co złe to na zawsze zginie.
Kto uwierzyć w toto skory
Niech zasuwo na wybory.
Kandydaty program majom
I go wszyndzie przedstawiajom.
Łobiecują złota fury
Przykład bierom przeca z góry.
Kaj nie patrzeć tam ulotki
Na nich tuzy, na nich blotki.
Trza se ino strzelić fotke,
Potym wciś jom na ulotke.
Lepic kaj sie ino da!
Na płot, w haźlu i na drzwiach.
Że sie walo to po kontach?
Przyjdzie wiater, to posprząta.
Dyszcz pomyje klajstru ślady.
Na układy nima rady.
Tyn przekopie tunel nowy.
Bydom szofry miały z gowy
Korki, sztrafy i mecyje
Tyn to zrobi - jak dożyje!
Tamtyn lebrom do robote!!!
Nie, nie tero, trocha potym.
W kierym roku? Czort go znajet.
To wyborcze som zwyczaje.
Autobana w kożdyj gminie.
Nawet kura juz nie zginie.
Mlyko z miodym bydzie w rantach
Łoczekiwac na lyjanta.
Jak sie już dorobiom swego
To pomogom i kolegom.
Bo kandydat mo rodzina.
Trza postawić szwagrom klina.
"Smród richarda" zlikwidujom!!!
Dziury w murach zapucujom.
Dadzom kasa nom na dzieci.
Słonko bydzie wiecznie świecić.
W szkołach bydzie fajno sprawa.
Zero lekcji - durch zabawa.
A maściorze bez kolejki
Bydom badać fajne frelki.
Starym za to dla zachynty
Bydom dawać dupne renty.
Gryfne dziołuchy na łogibie
Bydom dawać: jak je zdybiesz.
I markety zlikwidujom,
Bo tandetom ludzi trujom.
Łostanom sie nom stragany:
Polskie kupcy - polskie pany.
Bydom dawać nom na kreche.
Bydzie fajnie, bydzie w deche.
Robić nie trza cinżko bedzie.
Bedzie jabol, bedom śledzie.
Nawet farorz we niedziele
Tepich wielgi nom rozściele.
Pozaświeco wszystkie świece.
Wlyzie wyżyj - zadre kiece.
By całować bez schylania
Swego władce - lokalpana.
To załatwiom kandydaty
Same zyski - zero straty.
I postawiom nam kiecioki.
Niech sie bawiom durch boroki.
Niech sie kryncom w lewo, w prawo.
Bele głos oddali żwawo.
A w ratuszu z każdyj strony:
- proszę bardzo, załatwiony.
Prosza siednońć sie wygodnie,
Czytac cajtung, a my godnie
Załatwimy wniosek pana.
I tak co dania już łod rana.
Poczenstujom gościa zistom.
Może drinka? Nie!??? To czystą!
Kto uwierzyć w toto skory
Niech zasuwo na wybory.
Zbliża sie niedziela cudów!
Wiem, że kłamstwo z tekstu goni!
Lecz kto zaczął???!!!
Jo czy łoni?????
Pozdrawiam
a:kibic997
